ياه عليك يازمن
كل ماأفكر أبعد عن الناس
أرجع تاني وأقول دا قدر
.لحد امتى هافضل كدا
.أسهر ليلي وايا القمر
أعيش في أطيب إحساس
وأفكر في الخير للناس
وكل ماأبعد أرجع وأحن واقول دا قدر
وأسهر ليلي وأعد النجوم حوالين القمر
وأقول ياترى الصح مين؟والصح دا فين؟
وأبعد وأهرب على أمل إن العزيمة أقوى منها مفيش
وإن الدموع مترجعنيش
وإن قلبي هيقدر يعيش
وأرجع تاني وأقول دا قدر
وأسهر تاني وايا القمر
ليه بس الرجوع
والسهر على ضي الشموع
.وليه بعلن دايما راية الخضوع
إرحمني ياقلبي من طيبة ملهاش مكان
جايه في وقت مالوش زمان
ومحدش في زمنا طيب غير في الأحلام
وميتقال عليه غير انه سخيف
ويوم لما يتظلم هيبقى قدام الظلم ضعيف
ياه عليك يازمن كرهتك وكرهت اهلك
.بس برده هارجع واقول دا اكيد قدر
وهارجع من تاني واصاحب ليلي واياه القمر
ياه عليك يازمن
.jpg)
هناك تعليقان (2):
افنان ازيك والله ميس يو
متندميش انك كويسه مهما كانت الدنيا وحشة وزي التيوب
اخي او اختي غير معرف
ههههههههههه شرفتني بردك الجميل
والتيوب بيتحدف علينا من كل مكان بقى هنعمل ايه
اهي ايام وبتعدي ومسيرنا نضحك عليها لما نكبر
ههههههههههههههههههههههههههه
وانا كمان ميس يو بس ابقي ادخل/ي بإسمك طيب عشان اعرف مين معايا بالضبط
عشان حادثة التيوب ده أغلب الشعب المصري عرفها خلاص
هههههههههههههههههههههههه
تقبل/ي خالص احترامي وتقديري.... .
إرسال تعليق